Hukumar kula da ‘yan gudun hijira ta Majalisar Dinkin Duniya a ranar Litinin ta bukaci dala biliyan 1 don taimaka wa wadanda ke gudun hijira a Sudan, inda ta ce tana sa ran sama da miliyan 1.8 za su tsere zuwa kasashe makwabta biyar a karshen shekara.
WASHINGTON, D.C. - Kiyasin da aka yi yanzu ya kai kusan ninki biyu abin da UNHCR ta yi hasashe a watan Mayu jim kadan bayan barkewar rikici.
Iyakokin Sudan
Tuni dai sama da mutum miliyan 1 suka tsere daga Sudan zuwa wasu jihohin da ke makwabtaka da su, sakamakon fadan da ake ci gaba da gwabzawa tsakanin sojojin Sudan da dakarun gaggawa na RSF a babban birnin kasar na Khartoum da kuma wajen kasar.
-Reuters