Juventus ta sha kaye a gida a hannun Empoli da ci 1-0 a gasar Serie A, Wasan da ta buga a karon farko ba tare da Cristiono Ronaldo ba.
Ronaldo na shirin komawa tsohuwar kungiyarsa ta Manchester United a gasar Premier ta Ingila, wacce ya baro shekara 12 da suka gabata.
Dan wasan Empoli Leonardo Mancuso ne ya zura kwallo a ragar Juventus a ranar Asabar, lamarin da ya zo a matsayin abin mamaki ga mutane da dama.
A kwanan nan aka daga darajar kungiyar ta Empoli ta shiga gasar ta Serie A a matsayin sabuwar kungiya.
Da yawa kuma sun yi zaton Juventus za ta yi kaca-kaca da su amma sai kungiyar ta shammaci Juventus.
Rashin tabuka komai da ‘yan wasan Massimiliano Allegri yi, ya fusata magoya bayan kungiyar ta Juventus a karshen wasa.
Har yanzu Juve ba ta lashe wasa ko daya a wannan sabuwar kakar wasanni ba yayin da ta buga guda biyu.