Eyimba ta samu nasara akan Shooting Stars da ci 2-1, wanda hakan ya bata damar ci gaba da zama a saman teburin gasar Premier League na Najeriya da tazarar maki biyar.
Musa Najere ne ya zirawa Eyimba kwallon farko a minti na 14, kafin 3SC ta farke kwallon ta hanun Ajani Ibrahim a minti na 11 bayan an dawo daga hutun rabin lokaci.
Sai murna ta koma ciki bayan da Kyaftin din Eyimba, Chinedu Udoji ya kara wata kwallon yayin da ya rage mintina 15 a tashi
Yanzu Eyimba na da maki 61 a wasanni 33 da ta buga
A daya bangaren kuma masu rike da kofin gasar Kano Pillars sun lallasa Sunshine Stars da ci 2-1 suma, hakan na nufin suna da maki 49 kana Sunshine na da maki 53.
Ita dai Warri Wolves ta tashi Canjarasa ne wato ci 1-1 tsakaninta da Rangers a Enugu, ta na kuma da maki 56.