Fitaccen mai shirya fina-finai a masana’anatar Kannywood Abubakar Bashir Mai Shadda ya lashe lambar yabo ta wanda ya fi yin fice a fageen shirya fim din harsunan cikin gida na MVCA Awards.
Bashir Mai Shadda ((Instagram/Bashir Mai Shadda)
Mai Shadda ya lashe lambar yabon ce da fim din “Aisha” a rukunin fina-finan da ake shiryawa da harsunan cikin gida wanda Hausa na ciki.
“Alhamdulillah, Alhamdulillah, Alhamdulillaha, dukkanin godiya ta tabbata ga Allah Subhananu Wata’ala mai kowa mai komai, tsira da amince Allah su kara tabbata ga Fiyayen Halitta, Annabi Muhammad S.A.W.
Ali Nuhu a bikin MVCA (Instagram/Bashir Mai Shadda)
“Ina mai sadaukar da wannan lambar yabo ga mahaifiyata, Hajiya Safiya Sani. Na gode Africa Magic.” Mai Shadda ya ce a lokacin da Rahma Sadau ta mika masa lambar yabon.
Bikin na Africa Magic Viewers Choice Award ya gudana ne a birnin Legas da ke kudu maso kudancin Najeriya a ranar Asabar.
T.Y. Sha'aban da Ali Nuhu (Instagram/Bashir Mai Shadda)
Daga cikin fitattun ‘yan Kannywood da suka halarci bikin akwai jarumi Ali Nuhu da T.Y. Sha’aban.
Ga kadan daga cikin hotunan bikin: