Manajan Liverpool Brendan Rodger ya dage kan cewa Lazar Markovic har yanzu yana da sauran tuwo a Liverpool, kuma ba za’a janyo shi cikin rahotannin da suke fita na sauye sauyen ‘yan wasa ba.
Dan wasan kuma ‘dan asalin Serbia yazo Ingila ne tun kafin kakar wasa shekara ta 2014 zuwa 2015, amma ya buga wasannin Firimiya Lig 11 kacal.
Ana ganin saura kiris a kammala yarjejeniya kan Markovic da kungiyar wasan nan Fenerbahce ta Turkiyya, ko da yake ana ganin cewa Rodger yaki ya fitar da ransa ga dan wasan mai shekaru 21 da haihuwa.
Ata bakin Rodger yace, “Markovic har yanzu yana da tuwo a Liverpool, ba zanyi magana kan musayarsa ko ina ba” ya cigaba da cewa mutum daya da yabar Liverpool shine Mario Balotelli wanda yagama zaman sa ranar Alhamis zai koma AC Millan.
Bayan da Balotelli ya koma, Liverpool har yanzu na da wadatar ‘yan wasa idan aka duba su Christian Benteke da Danny Ings da Fabio Borini da Divock Origi duk karshin Rodger.