Shugabannin Kungiyar Kasashen ECOWAS sun tsaida shawarar ragewa ko kuma janye harajin da aka kakabawa wadansu kasashe da su ka shafi tafiye-tafiye ko kuma shigar da kaya.
Washington,DC —
Shugabannin na kungiyar ECOWAS sun tsaida wannan yarjejeniyar ne a taron da su ka gudanar a Abuja.
Wannan matakin ya shafi batun cire haraji a kan kaya da ake shigowa da su daga wadansu kasashen da ke cikin kungiyar, da haraji kan tikitin jirgi domin ya yi sauki, da bututu wanda zai dauki iskar gas daga Najeriya ya bi ta dukan wadannan kasashen, da kuma Najeriya da Morocco.
Masu kula da lamura sun bayyana cewa, wannan matakin da kungiyar ECOWAS ta dauka zai taimaka gaya wajen bukasa tattalin arikin kashen, ya kuma rage tsadar rayuwa da talauci da galibin kasashen ke fama da shi.
Saurari cikakken rahoton Umar Farouk Musa:
Your browser doesn’t support HTML5
Kungiyar ECOWAS Za Ta Janye Harajin Da Ta Kakaba Wa Kasashe
