Rokon na zuwa ne bayan da Majalisar Dattawan ta sake hallara bayan wata ganawar sirrin da ta shafe kusan sa’o’i biyu a yau Laraba.
washington dc —
Majalisar Dattawan Najeriya ta roki masu zanga-zanga su baiwa gwamnatin tarayya karin lokaci domin sauye-sauyen da take gabatarwa su haifar da da mai ido tare da biyan bukatunsu.
Shugaban Makalisar Dattawan, Sanata Godswill Akpabio ya bayyana cewa gwamnatin ta fara biyan bukatun masu zanga-zangar ciki har da batun mafi karancin albashi da na rancen karatu ga dalibai da sayarwa matatu da danyen mai.
Ya cigaba da cewa, a shirye majalisar take ta yi dokoki a kan batutuwan da zasu kawowa ‘yan Najeriya saukin rayuwa.