Shirin Kallabi na wannan makon ya kawo kashi na biyu na hira da Linda Umaru, wata 'yar arewacin Najeriya da ta fara sana'ar kitso a jihar California, wadda yanzu ta zama babbar 'yar kasuwa tana buga kirji da masu sana'ar 'yan kasar China.
A hirarta da shirin Kallabi, Linda ta yi tayin tallafawa duk macen da take da sha'awar fara sana'ar dinki a Najeriya idan aka tuntube ta.
Mun kuma yi dubi kan bukatar tantance asali da halayyar samari da 'yan mata kafin aure domin tabbatar da kafa zuri'a ta gari da kuma dorewar aure.
