Dan wasan Gaba na kungiyar kwallon kafa ta Tottenham Harry Kane, ya kafa tarihi a bangaren jefa kwallaye a gasar firimiya lig ta kasar Ingila bisa tsarin kalandar shekara shekara.
A yanzu haka Harry Kane, ya Zurara kwallaye 39 a shekara ta 2017 a wasannin firimiya lig inda ya haura kan tsohon dan wasan Blackburn Alan Shearer, wanda ya jefa kwallaye 36 a shekarar 1995.
Harry Kane, ya samu wannan nasara ne a wasan da kungiyarsa ta Tottenham ta yi da Southampton, inda ta lallasa ta daci 5-2 a gasar Firimiya lig, mako na ashirin, dan wasan ya jefa kwallaye uku a cikin biyar da Tottenham ta samu.
Hakan yasa Harry Kane, mai shekaru 24 da haihuwa ya zamo dan wasan da yake kan gaba a yankin Nahiyar Turai wajan zuba kwallaye a raga idan an hada da kwallayen da yaci wa kasarsa ta Ingila guda 17, jimilar kwallayensa 56 kenan a shekarar 2017.
Sai Lional Messi, ke biye da shi da kwallaye 54, Lewandowski da kwallaye 53 sai Cristiano Ronaldo 53, Cavani 53.
Your browser doesn’t support HTML5
Harry Kane Ke Kan Gaba Sauran Na Biye