Tsohon mai horas da Ingila da Real Madrid Fabio Capello ya ce komawar Cristiano Ronaldo zuwa Juventus "wata babbar bajinta ce, sai dai Kocin dan Italiya a yanzu yana hasashen dan wasan gaba na Argentine Gonzalo Higuain, mai shekaru 30, mai taka leda a Juventus koma Chelsea.
Shi kuwa Dan wasan gaba na Chelsea Eden Hazard, mai shekaru 27, shi ne wanda ake ganin zai maye gurbin Ronaldo a Real Madrid, dan kwallon na Belgium zai iya barin Stamford Bridge, idan dai ba wata damar ya samu wacce ta fi wannan ba.
Zuwan Ronaldo zai sa kungiyar Juventus ta sayar da wasu 'yan wasanta domin cimma tsarin hukumar UEFA na kashe kudade a kan ka'ida, kuma ana ganin Stefano Sturaro, zai iya barin kungiyar don hadewa da Newcastle ko kuma Wolves.
Liverpool ta ce a shirye take ta zuba fan miliyan 80 domin sayen dan wasan Argentina Paulo Dybala, mai shekaru 24, har ila yau Liverpool ta fara tattaunawa da Stoke, domin sayen dan wasanta na kasar Switzerland Xherdan Shaqiri, bisa yarjejeniyarsa ta ce sai an biya fan miliyan 13 kafin a sayar da shi.
Dan wasan gaba na Lyon wadda Liverpool take zawarci Nabil Fekir, mai shekaru 24, da haihuwa ya bayyana wa kulobdin cewar yana da sha'awar komawa kungiyar ta Liverpool, inda ya bukaci kungiyar ta cigaba da tattaunawa bayan dawowa daga wasan cin kofin duniya.
Juventus ta na zawarcin dan wasan baya na Manchester united Matteo Darmian dan shekaru 28 inda ta sanya masa fam miliyan 17 a tayin farko
Barcelona ta shirya don fara tattauna kan sayen dan wasan tsakiya na PSG Adrien Rabiot, dan shekaru 23, har ila yau Barcelona, tana dab da kammala sayen dan wasan baya na Sevilla Clement Lenglet, mai shekaru 23 akan kudi fam miliyan 31.
Westham ta fara tattaunawa kan dauko tsohon dan wasan tsakiya na Manchester city Yaya Toure, kan sayo dan wasan dan kasar Ivory Coast mai shekaru 35.
Har yanzu Manchester City, tana kokarin ganin ta shawo kan dan wasan tsakiya na Napoli Jorginho, da ta kawo kungiyar. Ita ma Chelsea, tana kan bakanta na ganin ta dauko dan wasan mai shekaru 26.
Chelsea, ta ce kawo tsohon Kocin Napoli Sarri, a matsayin mai horaswa a kulob din shi zai taimaka mata wajan zaman ‘yan wasanta Eden Hazard, 27, da mai tsaron ragarta Thibaut Courtois, 26, da dan wasan gefenta Willian 29, wanda manyan kulob suke zawarcinsu.