A cigaba da hada hadar ‘yan wasan kwallon Kafa ta duniya da ake yi, Jack Wilshere sun Gana ido da ido da Kocin kungiyar Westham Manuel Pellegrini kan batun dawowarsa kungiyar bayan da dan wasan ya kammala dogon zamansa a kungiyar Arsenal a watan da ya gabata inda yanzu yake zaman kansa (free agent)
Arsenal zata rasa dan wasan Sevilla Ever, Banega dan shekaru 30 da haihuwa bayan da dan wasan ya yanke shawarar ci gaba da zama a kungiyar sa ta Sevilla.
Sabon Kocin Kungiyar Arsenal Unai Emery, ya ce zai sayar da wasu ‘yan wasan sa wajan ganin ya dauko dan wasan tsakiya na Barcelona Andre Gomes, mai shekaru 24 a duniya.
Everton ta tuntubi kungiyar Barcelona kan sayen dan wasan bayanta dan kasar Colombia Yerry Mina, mai shekaru 23, da haihuwa wanda ya fafata a gasar cin kofin duniya da ake yi yanzu 2018 a Rasha.
Mai tsaron raga na Westbromwich Ben Foster, mai shekaru 35, na shirin rattaba hannu a kungiyar Watford akan kudi fam miliyan £2.5.
Manchester city, ta kammala shirinta tsaf domin sayen dan wasan gefe na Leicester city, Riyad Mahrez, dan shekaru 27, da kuma dan wasan tsakiya na Napoli Jorginho bisa jimillar kudi fam miliyan 108.
Facebook Forum