Gwamnatin jihar Yobe ta ce ta kawo karshen matsalar cutar amai da gudawa da ta barke a wasu sassan jihar.
Cutar ta yi sanadiyar mutuwar mutane 16 cikin wasu mutane 404 a kananan hukumomi da suka kamu da cutar.
Tun ranar 24 na watan Maris din wannan shekarar aka samu bullar cutar a jihar inda aka ce mutane 34 suka kamu da cutar a karamar hukumar Gashua inda nan take mutane biyar suka halaka. Daga bisani kuma an samu yaduwar cutar zuwa wasu Kananan hukumomi.
Kwamishanan kiwon lafiya na jihar Dr. Muhammad Bello Kawuwa y ace yanzu babu cutar a jihar saboda an kwashe fiye da kwanaki 21 babu labarin bullar cutar a koina. Y ace gwamnati da sauran masu ruwa da tsaki sun yi duk abun da ya dace.
A tsarin hukumar kiwon lafiya ta duniya kamar yadda kwamishanan ya fada bayan kwanaki 21 ba’a samu bullar cutar ba, an shawo kanta ke nan.
Dr Kawuwa y ace sun shiga lungu lungu, da gidaje suna fadakar da mutane abun da yakamata su yi domin gujewa kamuwa da cutar.
Haruna Dauda nada karin bayani a wannan rahoton
Your browser doesn’t support HTML5
Gwamnatin Yobe Ta Ce Ta Shawo Kan Cutar Amai da Gudawa - 3' 17"