Fiye da shaguna 180 ne suka kone sakamakon gobarar data tashi a babbar kasuwar Sokoto da sanyin safiyar yau Litinin.
WASHINGTON DC - Rahotanni sun bayyana cewar, gobarar wacce ta taso daga daya daga cikin wuraren tara shara a kasuwar, ta bazu zuwa shaguna harma ta lakume wasu babura da aka ajiye a kusa da wurin.
A cewar Shugaban Kungiyar Masu Sana'ar Sayarda Babura a kasuwar, Muhammad Garba, gobarar ta sabbaba asarar dimbin dukiya, kasancewar abokan sana'arsu sun yi asarar dukiya ta biliyoyin nairori data hada da babura da kekuna dama kayan gyaransu.
Kasuwar Sokoto
Ya kuma yi kira ga gwamnatin jihar Sokoto data gaggauta daukar matakin tantance irin barnar da gobarar ta yi, tare da lalubo hanyoyin ragewa 'yan kasuwar da abin ya sha radadin asarar da suka tafka sakamakon gobarar.
Kasuwar Sokoto
Kasuwar Sokoto