Eden Hazard Ya Jefa Kwallonsa Ta 50 A Gasar Firimiya

WASHINGTON D.C — 

Sakamakon nasarar da Kungiyar kwallon kafa ta Chelsea ta samu a gasar firimiya lig 2016/2017 mako na gama sha takwas a jiya tsakaninta da Kungiyar kwallon kafa ta Bournemouth inda Chelsea tasha 3-0, dan wasanta mai suna Eden Hazard ya jefa kwallonsa cikon ta hamsin a gasar firimiya ta kasar Ingila a tun lokacin da ya fara mata wasa

Hazard ya samu damar jefa kwallonne a bugun daga kai sai mai tsaron gida (penalty) a wasan da suka yi a jiya da Bournemouth a lokacin ana minti na arba'in da tara da fara wasan

Hazard dan kasar Belgium, ya zamo mutum na shida cikin jerin "yan wasan Chelsea, da suka zurara kwallaye 50, a firimiya a lokacin suna taka leda a Kungiyar kwallon kafa ta Chelsea.

Wadannan 'yan wasa sune Frank Lampard, Didier Drogba, Jimmy Floyd. Sauran sune Hasselbaink, Gianfranco Zola da Eidur Gudjohnsen.

Eden Hazard Ya Jefa Kwallonsa Ta 50 A Gasar Firimiya