A yayinda da ake daf da shiga watan bude hada hadar sayen da sayarda ‘yan wasan kwallon kafa na duniya a watan Janairu na sabon shekara 2017, Kungiyar kwallon kafa ta Real Madrid, ta ware zunzurutun kudi har yuro miliyan €100 domin sayen dan wasan gaba na kasar Gabon mai taka leda a Kungiyar kwallon kafa Borussia Dortmund, mai suna Emerick Aubameyang.
Itama Manchester City, ta saka fam miliyan £70 domin zawarcin dan wasan gaba na Atletico Madrid, Antoine Griezmann a watan Janairu mai zuwa 2017.
Shikuwa Mikel Obi, sun fara tattaunawa ne da Kungiyar kwallon kafa ta Inter Milan domin yuwar komawarsa Kungiyar da taka leda a tsakiyar kakar wasan bana.
Kungiyar kwallon kafa ta Wolfsburg ta bada tabbacin tafiyar dan wasanta mai suna Jullian Draxler zuwa Kingiyar PSG. Ana sa ran dan wasan zai rattaba hannu na tsawon shekaru hudu, inda PSG zata biya Fam miliyan £35 a matsayin kudin saye
Sai dai Mai horas da Kungiyar kwallon kafa ta Liverpool Jurgen Klopp, ya nuna rashin jin dadinsa ne na rashin zuwan dan wasa Draxler, kungiyarsa ta Liverpool.
