A hada hadar ‘yan wasan kwallon kafa kungiyar kwallon kafa ta Manchester United, dake kasar Ingila ta ware zunzurutun kudi har fam miliyan £60 domin sayen dan wasan gaba na kasar Faransa mai taka leda a kungiyar kwallon kafa ta Atletico Madrid, mai suna Antonie Griezmann, mai shakaru ashirin da biyar da haihuwa.
Shikuwa Lukaku na shirin bude lalitarsa domin karbar fam dubu £100 duk sati daga kungiyar kwallon kafa ta Everton inda zai taka leda.
Mai horar da kungiyar kwallon kafa ta Arsenal, Arsene Wenger, ya ce ba lallai bane kungiyarsa ta Arsenal ta saye wasu ‘yan wasa a tsakiyar kakar wasan bana domin manya manyan ‘yan wasansu suna shirin dawowa daga jinyar da suka tafi.
Crystal palace da Swansea city na neman dan wasan gaba na Kungiyar kwallon kafa ta Newcastle mai suna Alexandre Mitrovic da zaran an bude hada hadar ‘yan wasa a watan Janairu 2017.
Shikuwa wakilin dan wasan gaba na Manchester united, zlatan Ibrahimovic ya ce ta yuwar dan wasan zai tsawaita kwanteraginsa a kungiyar ta Manchester United,