Tun lokacin da rikicin Syria ya barke a shekarar 2011 ne dakarun Israila suke kai hari cikin Syria jefi jefi domin dakile duk wani kokarin kaiwa kungiyar Hezbollah makamai a Lebanon.
WASHINGTON DC —
Sojojin Syria sun ce dakarun Israila sun harba nakiyoyi yau Talata da suka doshi yankin kasar a wani bangaren Arewacin Damaskas.
Sojojin sun ce sun harba wasu nakiyoyin kafin su fashe, yayin da wasu suka ruguza wani yankin da ke kusa da sansanin sojoji a Quetayfeh.
Sanarwar Sojin ta bayana cewa dakarun Syria sun harbo wani Jirgin saman Israila a wani mayar da martani
Sai dai dakarun Israila din sun ki bada wani bayani. Da ma Israila ta sha kai hare hare tun da aka fara samun tashin hankali a shekarar 2011 ba tare da fitowa fili ba.
Jami’an Israila sun tabbatar da cewa hare haren da suka kai a baya sun yi ne domin makamai masu yawa da suke zaton za a kai sansanin ‘yan ta’addar Hezbollah da ke Lebanon ne.