Tsofin Shugabannin Amurka da dama na daga cikin daruruwan masu makoki da kuma addu’ar bankwana a yau dinnan Asabar ga marigayiya Barbara, matar tsohon Shugaban Amurka George H. W Bush, wadda ta rasu ranar Talata da shekaru 92.
WASHINGTON D.C. —
Ita ce matar Shugaban Amurka na 41, George H.W. Bush, kuma mahaifiyar George W. Bush, wanda shi kuma ne Shugaban Amurka na 43.
Baya ga mijinta da kuma dan farinta, Barack Obama da Bill Clinton na daga cikin tsofin Shugabannin kasar da su ka halarci jana’izar marigayiya Barbara Bush a Majami’ar St. Martin’s Episcopal a birnin Houston da ke jahar Texas na kudancin Amurka.
Melania Trump, matar Shugaba na yanzu da matan tsoffin shugabannin Amurka su Michelle Obama da Hillary Clinton su ma sun hallara.