Kocin kungiyar kwallon kafa ta Araenal, Arsene Wenger, ya ce kungiyar zata hukunta dan wasanta Alex Iwobi, dan Najeriya, in har aka tabbatar yana cikin wadanda sukaje holewa (Party) sa'oi 36 kafin kungiyar ta fafata a wasan ta da Nottingham Forest a ranar lahadi inda aka doke Arsenal da ci 4-2.
Rahotanni sun bayyana cewa a ranar Asabar an ga wani faifan bidiyo da aka wallafa a shafin sada zumunta wanda ya nuna dan wasan a gidan holewa yana rawa kafin wasansu na Kofin kalu bale FA Cup 2017/18 tsakanin Arsenal da Nottingham Forest. Kuma dan wasan ya buga wasa na mintoti 90 har aka tashi a wasan da kungiyar ta yi.
Kocin Arsenal, Wenger ya ce "ba zai yiwu ba" kuma "ba za'a amince da irin wannan dabi'a ba”, dan wasa ya fita cikin sa'o'i 48 kafin wasa kuma ya tafi (Party) ba.
Wenger, ya ce duk da kasancewar dan wasan ba'a same shi cikin wadanda suka sha barasa ba hakan ba zai hana a dauki mataki akan sa ba in har aka tabbabtar da faruwar lamarin. Kungiyar ta Arsenal, za ta duba irin hukuncin da ya dace da dan wasan Alex Iwobi.
Your browser doesn’t support HTML5
Arsenal Zata Hukunta Alex Iwobi Idan Ta Same Shi Da Laifi