Wasu mutane dauke da makamai sun yi awon gaba da wani hamshakin dan kasuwa a garin mararaban Ba Isa dake kudancin jihar Taraba, lamari ya jefa al’umar yankin cikin zullumi da fargaba.
Wani mazaunin garin da ya nemi a sakaya sunansa ya shaidawa wakilin muryar Amurka, Ibrahim Abdulazeez, cewa abun ya faru cikin dare ne su sun dauka cewa jami’an tsaro ne da suka ji harbi amma daga bisan suka samu labarin cewa an yin awon gaba da A Seiko, wani dan kasuwa.ya kara da cewa a halin yanzu ana ciniki da iyalin wannan dan kasuwa akan cewa su bada Naira miliyan hamsin.
Kakakin rundunar ‘yan sandan jihar Taraba, DSP, Joseph Kwaji, yace tuni rundunar ta baza jami’an domin bincike kuma ya umarci jama’a dasu sa ido a wannan yanayi da kasar ke fama tsaro da sace sacen mutane domin samun kudin fansa.