Mai tsaron raga na kungiyar Chelsea da Belgium Thibaut Courtois ya ce sabon kwantiragin da aka yi masa tayi a Chelsea bai yi daidai da wanda aka yi masa a wani wurin ba.
Ana alakanta dan wasan, mai shekaru 26, da haihuwa da kungiyar Real Madrid, Courtois ya ce game da abokin wasansa a Chelsea da Belgium Eden Hazard: "Duk inda nake, to kafata kafar Hazard.
Dan wasan Ingila Luke Shaw, mai shekaru 23, ya ce a shirye yake da yabar Manchester United a lokacin da kwantiraginsa zai kare, idan har bai samu gurbi na dindin a tawagar Jose Mourinho ba a bana.
Shugaban kungiyar kwallon Kafa ta Lyon Jean-Michel Aulas ya ce a shirye yake domin saurarar sabon tayi daga kungiyar Liverpool kan sayen dan wasan gaba na kulob din Nabil Fekir.
Kocin tawagar Kasar Belgium Roberto Martinez, ya yi kira ga dan wasan kasar Eden Hazard da cewa ya zamo dole ya duba yuwuwar barinsa kungiyar Chelsea inda ake alakanta shi da komawa kungiyar Real Madrid
Manchester United, zata hakura da neman dan wasan Real Madrid Gareth Bale, kasancewar dan wasan yana tsammanin zai samu kansa a cikin manyan tawagar ‘yan wasan Real Madrid a karkashin sabon Kocinta.
Chelsea tana tattaunawa kan biyan fam miliyan 53 domin sayen dan wasan gaba na Juventus, Gonzalo Higuain, mai shekaru 30 da haihuwa.
Manchester United tana zawarcin Ivan Perisic, na Inter Milan da Ante Rebic na kungiyar Eintracht Frankfurt sakamakon irin rawar da suka taka wa kasarsu Croatia a gasar cin kofin duniya na bana.
Monaco tana zawarcin dan wasan tsakiya na CSKA Moscow mai suna Aleksandr Golovin, wanda aka alakantashi da komawa kungiyar Chelsea akan kudi fam miliyan 22, Kungiyar Southampton ta nisanta kanta da rade radin da ake yi na cewar tana zawarcin dan wasan gaba na Liverpool Danny Ings. mai shekaru 25.
Ana alakanta dan wasan gaba na Najeriya Ahmed Musa, na Leicester city da komawa kungiyar Al Nassr. na kasar Saudi Arabia akan kudi fam miliyan 40
Fanerbach tana zawarcin danwasan tsakiya na Tottenham dan kasar Belgium Mousa Dembele, dan shekaru 31 domin ta kara karfin tawagar yanwasanta a bana.
Chelsea ta amince da yarjejeniyan sayar da danwasan tsakiyarta Jeremie Boga, mai shekaru 21, ga kungiyar Sassuolo kan kudi fam miliyan 3.5
Atletico Madrid Kusan ta kammala yarjejeniya kan sayen danwasan gaba na AC Milan maisuna Nikola Kalinic, mai shekaru 30. da haihuwa.
Your browser doesn’t support HTML5
Ana Alakanta Ahmad Musa Na Leicester city Da komawa Al Nassr.