kungiyar Real Madrid, tana shirye shiryen biyan zunzurutun kudi har fam miliyan 150 domin sayen dan wasan gaba na Chelsea Eden Hazard wanda zai maye gurbin Cristiano Ronaldo, wanda yakoma Juventus.
Kungiyar Tottenham ta bude kofa ta sayar da dan wasan bayansu Toby Alderweireld, mai shekaru 29 kafin fara gasar league ta bana inda take la'akarin sayar dashi ga Manchester united.
Manchester unity, zata tattauna ido da ido da sabon Kocin Real Madrid kan batun sayen dan wasan Real madrid dan kasar Wales Gareth Bale,
Kocin Liverpool Jurgen Klopp zai fita don neman dan wasa mai tsaron raga a kungiyar kafin fara kakar wasan bana.
Chelsea ta sake samun tayi na biyu daga kungiyar Barcelona, kan sayen dan wasan gefenta Williams Inda Barcelona ta nemi a sayar mata fam miliyan 60 mai makon tayin farko fam miliyan 53.
Har ila yau Kungiyar ta Chelsea ta jera sahu guda da PSG wajan zawarcin dan wasan AC Milan Leonardo Bonucci, mai shekaru 31.
Kungiyar Stoke City tana bukatar Liverpool da ta bata dan wasan gefenta Sheyi Ojo inda ta bukaci a sa shi cikin cinikin fam miliyan 13.75 da Liverpool take yi kan dan wasan gaba na Stoke mai suna Xherdan Shaqiri, dan shekara 26.
Har ila yau kungiyar ta Liverpool ta Sa tayi fam miliyan 17.5 kan dan wasan baya na Besiktas maisuna Domagoj Vida,mai shekaru 29. Arsenal da Chelsea zasu fice daga zawarcin dan wasan tsakiya na CSKA Moscow mai suna Aleksandr Golovin kasancewar dan wasan ya bayyana aniyarsa ta komawa kungiyar Juventus.
Manchester united tana shirye shiryen zawarcin dan wasan baya na Leicester city Harry Maguire, dan shekaru 25, inda take fuskantar biyan fam miliyan 50 kan sayen dan wasan dan kasar Ingila.
Dan wasan Lazio Felipe Anderson, mai shekaru 25,wanda kungiyar Westham take zawarci ya sauka a birnin London inda ake dab da kammala cinikin sa kan kudi fam miliyan 50.
Facebook Forum