An Yi Masa Tayin Fam 320,000 Duk Mako

Shahararren matashin dan wasan kwallon kafar nan na Monaco Kylian Mbappe, wanda kungiyar kwallon kafa ta Real Madrid, ke zawarcinsa kuma tayi alkawarin biyansa Fam dubu dari da ashiri (120,000), a duk mako yanzu ya sake samun wani tayin daga kungiyar kwallon kafa ta Paris Saint German.

Ita dai Paris Saint German, tace idan har dan wasan ya amince zai murza mata leda toh zata biya shi Fam dubu dari uku da ashirin (320,000) duk mako abinda ya nuna Karin fiye da nunki biyu na abinda za a biya shi a Real Madrid.

Idan har Mbappe ya amince da tayin Paris Saint German, zai kasance dan wasan na biyu mafi tsada a duniya bayan Neymar, kuma komawar dan wasan mai shekaru 18, Paris Saint German, zai taka rawar gani.