Rundunar 'yan sanda ta Jihar Katsina dake Arewacin kasar ta samu nasarar kama wani mai safar muggan makamai, tare da mutane 17 da ake zargin 'yan ta'adda ne a gidan sa.
A lokacin wani samame da aka kai gidan shi Mal. Haruna, an samu wasu mutane 15, wadanda dukkan su mutanen jamhuriyar Nijar ne. An samu makamai a gidan, wanda aka tabbatar da cewar yana dillancin su ne.
Kwamishinan 'yan sandar jihar ta Katsina CP Sanusi Buba ne dai ya bayyanar da wannan nasarar da suka samu, jim kadan bayan ganawarsa da manema labarai.
A cewar kakakin rundunar 'yan sanda a jihar SP Gambo Isah, sun samu harshashin manyan bidiga guda 179, a hannun Haruna wanda ke zaune a kauyen Saureya, da ke karamar hukumar Kaita, kana an same shi da bindigar nan da ake kira Mashingon guda 2, bindiga ce da sojoji kadai ke mallakar irinta a Najeriya.
Gara rahoton wakilinmu Sani Shuaibu Malumfashi a cikin sauti.
Your browser doesn’t support HTML5
An Kama Dillalin Muggan Makamai A Jihar Katsina