Ana sa ran dan wasannan Clint Dempsey na iya komawa kungiyarshi ta Fulham a inda ‘yan wasan kwallon kafar Amurika, zasu buga wasa da abokan wasansu na kasar Colombia.
‘Yan wasan kwallon kafar Amurika zasu fafata da ‘yan kwallon Colombiya a wasan kawance ranar 14 ga watan Nuwanba a filin wasa na Craven Cottage. Kungiyar kwallon kafa ta Amurika ta bayyana haka jiya Laraba.
Wannan sanarwar ta fitone bayan sati daya da kungiyar kwallon kafa ta Croatia ta sanar da cewar yan wasansu zasu gwabza da yan wasan na Amurika a kasar Ingila. Amma ba wata magana a hukumance daga hukumar ta ‘yan wasan Amurika. Sun kamala shiri don haduwa da kungiyoyin kasashen yankin kudancin Amurika. Yayin da ‘yan wasan Croatia akace zasu fuskanci bangare da ban ida zasu kara da Argentina a Ingila kusan lokaci daya.
Za’a buga wasan ne a filin wasa na Craven Cottage inda dan wasan Amurika Clint Dempsey yayi shekaru da kungiyar Fulham kafin ya koma kungiyar Tottenham kafin ya dawo gida. Kungiyar Fulham yanzu haka ta dauki dan wasannan tsakiya na Amurika Emerson Hyndman.
Your browser doesn’t support HTML5
Amurka Zata Kara da Colombiya a Wasan Kawance - 1'18"