A wajen wani taron manema labarai a Yola, wasu kusoshin jam’iyar PDP daga yankin Michikan sun karyata rahotannin cewa sun fice ko zasu fice daga jam’iyar tare da ‘dan majalisar wakilai da cewa yan barandar siyasa ne ke yawo da sunayensu.
Yerima Tizhe Waziri da Alhaji Tukur Mohd Modibbo, sai kuma wasu kusoshin da suka tsaya takara a zaben da ta gabata, sun ce bada yauwnsu ba ake tallar cewa sun canza sheka.
Yankin Michikan dai na cikin yankunan da jam’iyar PDP ta yi kaka-gida a jihar Adamawa to sai dai kuma tun bayan zaben kananan hukumomin da aka yi abubuwa suka soma sauyawa. To ko anya PDP zata kai bantenta kuwa a yankin.
Alhaji Sabo Garta, dake zama shugaban jam’iyar PDP a yankin yace su basu tsorata ba.
Wasu mutane na danganta rikicin cikin gida da ya dabaibayi jam’iyar PDP da zama kanwa uwar gamin sauya shekan da wasu ke yi, batun da sakataren jam’iyar PDP a jihar Adamawan Mr Zira Tumba ke cewa ba haka batun yake ba.
Your browser doesn’t support HTML5
Adamawa: Babu Batun Sauya Sheka Ga Wasu Kusoshin Jam’iyyar PDP - 3'09"