WASHINGTON D.C —
A cigaba da fafatawa da akeyi ta Copa del rey a kasar Spain ta shekara 2016/2017 a matakin wasan kusa da karshe (Semi Final) a jiya kungiyar kwallon kafa ta Alaves ta doke Celta Vigo daci 1-0 a zagaye na biyu inda karawarsu ta farko suka tashi canjaras 0-0 wannan ya bada Dama ga Kungiyar ta Alaves, zuwa wasan karshe.
Alaves, zata gwabzane da takwararta ta Barcelona, a wasan Copa del rey na karshe ranar Asabar 27/5/2017.
A kasar Ingila kuwa a jiya Kungiyar Leicester City, ta lallasa Derby County, da kwallaye 3-1 a gasar cin kofin Kalu-Bale (FA Cup) na shekarar 2016/2017