Hadiza Abubabar, mahaifiyar wata yarinya mai shekaru 9 da haihuwa ta ce wani dattijo makwabcinsu ne yayi wa ‘yarta fyade tun bayan babbar sallah har kawo yanzu ba’a hukunta shi ba.
Ta kara da cewa dattijon dai ya yiwa diyar tata fyade ne a unguwar Hototon Walawai a jihar Kanon Nijeriya
Mahaifiyar yarinyar ta ce tun bayan da aka yi wa di‘yar ta ta fyaden bayan babban sallah, har kawo yanzu ba’a hukunta mai laifin ba, gashi kuma yarinyar na fama da wani ciwo da ya fito mata a matancinta wanda ya ke hanasu bacci da zarar dare yayi .
Ta ce wani nama ne ya fito a matancin yariyar, inda take bukatar mahukunta da su taimaka wajen gaggauta bincike domin a kwato musu hakkinsu, tare da hukunta mai laifin.
Domin jin gaskiyar alma’arin mun tuntubi Kakakin babban kotun jihar Kano Baba Jibo Ibrahim wanda ya tabbatar da cewa tabas da akwai karar a kotun , tare da ba ta hakuri, da ta saurara har sai an yi bincike akan lamarin.
Ga cikakken rahoton.
Your browser doesn’t support HTML5
A Gaggauta Bincike Kan Fyaden Da Dattijo Ya Yiwa 'Ya Ta- Inji Hadiza Abubabar