Labari da hotunan wani matashi da ba’a bayyana sunansa ba na ta yawo a shafukan sada zumunta na internet ko yanar gizo a takaice, bayan mazakutarsa ta koma kan gwiwarsa sakamakon kwanan da yayi da wata matar aure.
A cewar mujallar Daily Post ta kasar Kenya, mutumin ya fito a guje yana neman gafara bayan ya kwana da matar wani mutum a kasar ta Kenya.
Mutumin da aka kwana da matarsa dan kabilar Luo ne, wato kabilar da rahotanni suka bayyana cewar mutanen suna yiwa duk wanda ya nemi matansu asiri.
Da dama sun yi imanin cewa mijin matar ne yayi masa asiri, yayinda ya gano cewar matarsa na yawon kwartanci.
Lamarin ya faru ne sati guda bayan wata matar aure ta gamu da ajalinta bayan ta kwana da wani mutum da ba mijinta a wani kauye da ake kira Kisii a kasar ta Kenya.