washington dc —
Wasu daga cikin mutanen da rundunar ‘yan sandan Najeriya ta gurfanar a gaban Mai Shari’a Obiora Egwuata na babbar kotun tarayya dake Abuja sun suma.
Ana tuhumar mutanen, su 75 da shekarunsu na haihuwa ke tsakanin 12 da 15 da laifuffukan da suka shafi ta’addanci guda 10, da suka hada da yunkurin kifar da gwamnati da kuma zargin yin tawaye sakamakon rawar da suka taka a zanga-zangar gamagari.
Ana zargin cewar an kama mutanen ne a ranar 3 ga watan Agustan daya gabata kuma sannan suna tsare.
Kotun ta zauna ne domin fara sauraron karar tare da baiwa wadanda ake tuhuma damar amsa laifi ko akasin hakan sa’ilin da wasu daga cikinsu suka some, abinda sabbabawa Mai Shari’a Egwuata dage zaman kotun babu shiri.
Dandalin Mu Tattauna