Shahararen dan wasan gaba dan kasar Brazil mai murza leda a kungiyar Barcelona Neymar ya amince da ya Koma kungiyar kwallon kafa ta PSG, akan zunzurutun kudi har yuro miliyan €222.
PSG zata biya Neymar fam dubu dari biyar da goma sha biyar, £515 duk sati a matsasyin albashi ya nuna cewa zai amshi fam miliyan £26.8 a shekara a matsayin albashi bayan an cere harajin da zai biya kasar.
Yanzu dai Neymar zai kasance dan wasan da yafi duk wani dan wasan kwallon kafa tsada a duniya.
Dan wasan wanda yazo kungiyar Barcelona a shekara ta 2013, daga kungiyar Santos na kasar Brazil, ya buga wasanni har sau 123 a Barcelona ya kuma jefa mata kwallaye har guda 68 a raga.
Cikekken sunansa shine Neymar da Silva Santos Junior, Kuma haifaffen dan kasar Brazil, a wani gari mai suna Mogi Das Cruzes, an haifeshi ashekara 1992 yana da shekaru 25 yanzu haka a duniya.
Ana sa ran Neymar zai rattaba hannun a kungiyar PSG nan da ranar Jumma'a 4/8/2017 na tsawon shekaru biyar. tuni dai kungiyarsa ta Barcelona ta masa fatan alheri.
Kungiyar ta ce zatayi amfani da kudin da ta sayar dashi, wajan sayen ‘yan wasa biyu Eden Hazard, na Chelsea da kuma Philippe Coutinho na Liverpool.
Bayan haka kungiyar ta Barcelona ta cire duk wani hoto da yake da alaka da Neymar a filin wasanta.
Facebook Forum