Ranar lahadi 25, ga watan satumba 2016, an fafata wasanin mako na 37, inda ya rage saura mako daya tak a karkare duka wasannin.
Ga yadda wasannin suka kaya
River 0-0 Abia warriors
Niger Tornadoes 3-1 MFM
Ifeanyi Ubah 1-0 Enyimba
Nasarawa United 2-2 Akwa united
Shooting Star 1-0 Wikki tourist
Sunshine 1-0 Warri Wolves
Ikorodu united 1-2 Enugu Rangers
El-kanemi 1-0 Plateau United
Heartland 1-0 Kano Pillars
Kungiyar kwallon kafa ta Enugu Rangers tana dab da lashe gasar Nigerian professional football league ta shekarar 2016, inda take kan gaba da maki 60 sauranta wasa guda daya da zata buga a gida tsakaninta da El-kanemi ranar 2/10/2016.
Rivers united na mataki na biyu da maki 57, ita kuwa zata karkare wasanta ne a waje tsakaninta da Akwa united ranar 2/10/2016.
Ifeanyi Ubah na mataki na uku da maki 56, kuma zata kammala wasanta a waje ne da MFM ranar 2/10/2016.
Yayinda Wikki tourist take mataki na Hudu da maki 54, zata karasa wasanta a gida tsakaninta da Sunshine ranar 2/10/2016.
A kasan tebur kuwa, Warri wolves na mataki na sha takwas da maki 42
Ikorodu na mataki na sha tara da maki 32, sai Giwa da aka dakatar da ita ta na mataki na ashirin ba tare da maki ba.
