Yau mun sami bakuncin sakataren arewa na kungiyar masu shirya fina-finai ta kasa wato Arewa film industry, Sani sule Katsina, ya ce an fara fim na series ne domin tafiya da zamani kamar yadda sauran masana’antun fina-finai ke yi a duk fadin duniya .
Ya kara da cewa a yanzu ya shirya fim din Kukan-kurciya da aka fara sawa a wata tashar talabijin da ake kamata a satellite a duk fadin duniya.
Ya ce fim din zai lankwame kimanin miliyan dari da ashirin, kuma episode kusan dari da wani abu fin din ya kumsa, koda shike ya ce kawo yanzu yayi kashi - kashi har guda 24 wanda ya lashe kimanin Naira miliyan arbain, kuma shi kadai ke aikin fim din.
Ya ce lokaci ya yi da masana’antar Kannywood zata fara tafiya da zamani, kuma fina-finai na kashi - kashi zasu ba furodusa damar bada labrinsa daki- daki ba tare da an tattara labarai waje daya ko an kasa su gida gida a matsayin fim da za’a kalla tashi daya ba.
A fannin mu na tsegumi kuwa, Fitattacen jarumi Jim Iyke ke bikin cika shekaru 40 a rayuwarsa , jarumin dai ya yi bikin ne tare da ‘yan uwansa mata a garin las vegas dake Amurka.
A jiya ne dai kuma wani video ke nuna DJ black coffe, suka sami wani dan hargitsi da manajan Aka, wato Tshiamo Letshwene har ta kai da ya mare shi har ya kusa kaiwa kasa.
