Wani mutun na asalin Jordan ya koma kasarsa bayan shafe shekaru 38 a kurkukun Syria, a cewar wani jami’i a yau Talata, rushewar gwamnatin Shugaba Bashar al-Assad ta kawo karshen kunchin jiran da iyalansa suka kasance a ciki.
An tsinci mutumin, mai suna Osama Bashir Hassan al-Bataynah, a Syria ya fita hayyacinsa kuma yana fama da matsalar mantuwa”, kamar yadda jami’in ma’aikatar wajen Jordan Soufian al-Kodat ya shaidawa kamfanin dillancin labarai na AFP.
A cewar Kodat dangin mutumin sun kai rahoton batansa a 1986 lokacin yana da shekaru 18 da haihuwa, kuma tun lokacin yake daure a kurkuku.
Kungiyoyin fafutukar farar hula sun zargi Assad daya jagoranci gwamnatin kama karya da kamen jama’a babu dalili da azabtarwa dama kisa a gidajen yari.
An tsare dimbin bakin haure, ciki har da Suhail Harmawi daga kasar Lebanon wanda ya koma kasarsa a jiya Litinin bayan ya shafe shekaru 33 a garkame.
Dandalin Mu Tattauna