Bayan rasuwar tsohon babban hafsan soji, Laftanar Janar Taoreed Lagbaja, ya aika da sakon ta'aziyya a madadin sojojin Najeriya.
Sakon ta’aziyyar na kunshe ne a cikin wata sanarwa da Daraktan hulda da jama’a na rundunar, Birgediya-Gen. Onyema Nwachukwu ya fitar.
Kafin rasuwar marigayi tsohon COAS din ya yi hidima ga Sojojin Najeriya da ma kasa baki daya da daraja da kwazo a fannoni daban-daba.
Tsohon COAS din ya kasance ya yi aiki a wurare daban-daban inda ya nuna kwarewarsa wajen sauke nauyin daya rataya a wuyarsa.
Alli ya jajirce da kishinsa na aiki a fili yayin da ya kai matsayin Darakta, Hukumar Leken Asiri ta Soja (DMI), a cikin wasu manyan mukamai a cikin sojojin Najeriya.
Ya rike mukamin babban hafsan soji daga 1993 zuwa 1994 a karkashin mulkin Janar Sani Abacha sannan ya kasance gwamnan soja a jihar Filato daga watan Agusta 1985 zuwa 1986 a lokacin mulkin Janar Ibrahim Babangida.
An haife shi a ranar 25 ga watan Disambar shekarar 1944, a Koton Karfe dake jihar Kogi, ya kuma yi ritaya daga aikin sojan Najeriya a matsayin Manjo Janar.
Dandalin Mu Tattauna