washington dc —
Ginin wanda ake kan ginawa ya ruguje ne da misalin karfe 3 da mintuna 49 na asubahin yau Alhamis a unguwar Maryland dake Legas a tarayyar Najeriya.
Shugaban Hukumar Bada Agajin Gaggawa na jihar Legas (LASEMA), Olufemi Damilola Oke-Osanyintolu, ne ya tabbatar da hakan a cikin wata sanarwa.
Jami’an bada agaji sun bayyana cewa an kubutar da mutane 5, dukkaninsu maza, da ransu daga karkashin ginin daya rushe.
A cewar sanarwar, “nan take aka fara aikin nema da ceton wadanda hatsarin ya rutsa dasu. An zakulo gawawwakin maza 5 sannan aka ceto wasu mazan 4 da ransu, haka kuma jami’an LASEMA dana hukumar kashe gobara ta jihar legas sun ceto wani namijin daya makale a karkashin baraguzan ginin da ransa.
Dandalin Mu Tattauna