Bayan kammala bukin da aka gudanar a gidan sarauniyar Ingila, inda jikan Sarauniya Queen Elizabeth ll, Yarima Harry yayi wanda yake cike da dinbin tarihi, domin kuwa a karon farko da wata jinsin bakar fata ta shiga cikin dangin masarautar kasar Ingila.
Duk da cewar gidan sarautar nada dinbin tarihin shekaru da dama, Yarima Harry ya auri tsohuwar tauraruwar 'yar wasan fina-finan Amurka Meghan Markle, wadda a karon farko suka fitar da hotunan bukin. An kiyasta kimanin mutane sama da milliyan talatin suka kalli bukin.
Rigar da amaryar ta saka a ranar bukin, riga ce da ba’a taba dinka irinta ba don wani buki, domin kuwa wani shahararren kamfani aka ba kwantirakin dinka ta, kamfanin Givenchy” ya dinka rigar, wanda aka kwashe watannin biyar ana zanawa kafin a dinka.
Su kansu mutanen da suka dinka rigar basu da masaniyar rigar ko ta wacece, an dinka rigar a kasar Faris, inda aka kayata mayafin rigar da filawowin duk kasashe renon ingila, wannan rigar sai amarya Meghan.
A cewar madinkin rigar mahaifiyar Yarima Harry, lallai anyi hikima matuka wajen saka filawowin kasashe renon Ingila wajen dinka mayafin rigar, domin kuwa koda mahaifiyar ango na raye zata ce wannan tsarin yayi.
Angon ya ba amaryar sa kyautar wani zoben tagulla da ya gada a wajen mahafiyar sa Diana.
Facebook Forum