A yau za'a fafata tsakanin kungiyar kwallon kafa ta Real Madrid, da takwararta ta Bayern Munich, a gasar cin kofin zakarun Nahiyar Turai, Uefa champion league, na shekarar 2016/2017 a matakin wasan kusa da na kusa da na karshe (Quarter final) zagaye na biyu, inda a karawarsu ta farko Real Madrid, ta samu nasara a kan Bayern Munich, da kwallo 2-1.
Itama Leicester City. ta kasar Ingila, zata karbi bakuncin Atletico Madrid, ta kasar Spain, a haduwarsu ta farko Atletico, ta doke Leicester City, da ci 1-0
Za'a buga wasanninne da misalin karfe takwas saura kwata na dare agogon Najeriya Nijar kamaru da kasar Chadi.
Har ila yau a jiya ne aka fafata wasanni a bangaren Firimiya lig na kasar Ingila, da laliga na kasar Spain, Inda Middlesbrough's ta sha kashi a hannun Arsenal, da ci 2-1 a mako na 33 na Firimiya lig 2016/2017.
A can kasar Spain kuwa, Alaves, ta samu nasara akan Villarreal, da kwallaye 2-1 mako na 32 a laliga 2016/2017.
