A wasannin da aka buga na gasar cin kofin Turai Europa league, na shekara 2016/2017 matakin wasan kusa da na kusa Dana karshe Quarter final a karawar farko jiya kungiyar kwallon kafa ta Celta Vigo, ta samu nasara akan Genk, da ci 3-2
Lyon ta doke Besiktas da kwallo 2-1 Anderlecht, ta yi kunnen doki 1-1 tsakaninta da Manchester United, Ajax ta lallasa Schalke 04 da kwallaye 2-0, za a dawo da cigaba da fafatawa a zagaye na biyu ranar Alhamis ashirin ga watan Afirillu na shekara dubu biyu da sha bakwai.
A can kasar Spain, kuwa a yau za'a gwabza tsakanin Athletic Bilbao, da Las Palmas, a bangaren laliga na 2016/2017 mako na 32, da misalin karfe takwas saura kwata na dare agogon Najeriya, Nijar, Kamaru da kasar Chadi.
Gobe idan Allah ya kai mu Deportivo, zata karbi bakuncin Malaga, Sporting Gijon, zata kara da Real Madrid, Atletico Madrid da Osasuna sai Barcelona ta barje gumi da Real Sociedad.
