A lokacin da ya ziyarci sabuwar Fadama, ministan harkokin zango Honarable Abubakar Boniface Sadiqque ya kaddamar da fara rangadin babban birnin Accra, ya kuwa bayyana cewa tun bayan rantsar da shi a matsayin minista ya fara kewayawa yana ganawa da sarakuna da limamen Zango don neman mafita akan matsalolin al’ummar Zango.
Honarable Abubakar Boniface yayi tsokaci akan cewa babu wani abin kirki da gwamnatocin da suka shude suka yiwa jama’ar Zango. Ya ce amma gwamnatin Nana Akufo Addo ta yi alkawarin zata yiwa mutanen Zango abinda zai sa su tuna da ita.
Bayan haka ministan ya ce kudaden da gwamnatin kasar ta ware Cedi miliyan dari biyu da tamanin na gidauniyar raya zango ne, ya kuma gargadi ‘yan zango akan su canza salon siyasar su. Honarable Abubakar ya kuma roki al’ummar Zango akan su dukufa neman ilimi.
Ga krin bayani a cikin sauti daga Ridwan Abbas wakilin sashen hausa.
Facebook Forum