washington dc —
Matatar Fatakwal dake jihar Ribas a Najeriya ta fara tace danyen mai.
Babban jami’in yada labaran kamfanin man fetur na Najeriya (nnpcl), Femi Soneye, ne ya bayyana hakan.
A cewar Soneye a Talatar nan (yau) za a fara lodawa manyan motocin man, inda ya kara da cewa NNPCL na aiki tukuru wajen ganin matatar mai ta Warri “ta koma aiki nan bada jimawa ba”.
Matakin ya kawo karshen gazawar wa’adin fara aikin matatar Najeriya dake jihar Ribas mai arzikin man fetur.
Yayin hawansa kan mukamin a watan Agustan 2023, karamin ministan albarkatun man fetur (mai kula da bangaren mai) Heineken Lokpobiri yace matatar mai ta Fatakwal za ta fara aiki a watan Satumba kafin daga bisani aka mayar da lokacin zuwa watan Disamban shekarar da muke ciki.
Dandalin Mu Tattauna