washington dc —
Kungiyar kwallon kafa ta Manchester United ta kori kocinta Erik ten Hag sakamakon rashin nuna bajinta da kungiyar ta yi a kakar wasa ta bana, in ji kungiyar ta Premier a ranar Litinin.
United ta koma mataki na 14 a teburin gasar bayan ta sha kashi karo na hudu a wasanni tara a West Ham ranar Lahadi, inda wata sanarwa da kungiyar ta fitar ta ce: "Erik ten Hag ya bar mukaminsa na kocin Manchester United na maza."
Sanarwar ta kara da cewa Ruud van Nistelrooy zai maye gurbin Ten Hag a matsayin kocin rikon kwarya tare da sauran ma'aikatan da suka yi aiki tare da tsohon kocin.
Dandalin Mu Tattauna