A yau wakiliyar dandalin VOA ta samu zantawa da wasu 'yan mata da suka koka da cewar a lokacin sanyi fatar jikinsu bata daukar man shafawa da suke shafawa musamma domin canza launin fatar jikinsu.
A ta bakin 'yan matan, sai su yi ta shafa man shafawar batare da launin fatarsu jiin nasu ta canza ba. Wasu daga cikin 'yan matan sun bayyana cewa dalilian da ke sa suna shafa irin wannan man shafawa dai shine, hasken fata na jawo samari cikin karamin lokaci.
A ci gaba da zantawa da wasu daga cikin 'yan matan, sun bayyana cewar babu abin da zai sa su daina anfani da irin wannan man shafawa mai canza launin fata wanda akak fi sani da man bilicin.
Man bilicin dai kamar yadda kwararrun likitoci suka bayyana, nada matukar illa akan fatar duk wanda ke anfani da shi, kuma yakan haifar da illoli daban ga rayuwar bil'adama.
