Rahotanni na cewa wasu mahara ne dauke da muggan makamai suka farma garin Karal dake cikin karamar hukumar Gassol,a tsakiyan dare inda aka samu asarar rayuka ciki har da na mai garin Mallam Kachalla da kuma wata makaranta.
Yanzu haka wadannan mahara sun maida wannan baiwar Allah shiga takaba da halin ni yasu ita da yayanta.
Rundunan yan sandan jihar Taraban ta bakin kakakinta ASP David Misal ta tabbatar da wannan hari ,inda tace sama da rayuka shida suka salwanta baya ga wadanda aka raunta, to amma kuma ta sha alwashin zakulo maharan.
Cikin kwanakin nan dai ana samun irin wadannan hare haren a wasu sassan jihar Taraban dake da yawan kabilu,batun da kullum hukumomin tsaro ke cewa suna nasu kokari, to amma kuma suma jama’a an shawarce su da suke sa ido,kamar yadda kakakin yan sandan ke karin haske.
Saurari Cikakken rahoton Ibrahim Abdul'aziz.
Facebook Forum