WASHINGTON, DC —
Shin zai yiwu Lionel Messi ya bar kulob dinsa ta FC Barcelona ya koma babbar abokiyar gabarta Real Madrid? Ba wani ne yake wannan tunanin ba sai Hugo Sanchez, tsohon dan wasan Real Madrid da ya shahara.
Musanyar ‘yan wasa tsakanin wadannan kungiyoyi biyu dai, ba kasafai ake gani ba, domin a cikin shekaru 14 da suka shige ma, dan wasa kwaya ne tak, Javier Saviola, ya bar Barca ya koma Real a 2007.
Shi kuwa Sanchez, abinda yasa yake wannan tunani shi ne cewa, yana tsammanin Messi ba ya jin dadin kwantarakinsa da Barca, wadda sai 2018 zata kare, amma tana da tanadin cewa yana iya janyewa daga kwantarakin idan ya biya Euro miliyan 200.
Sanchez yace yana jin Messi dai yana ganin kamar Barcelona ba ta ba shi darajar da ta kamata, kuma idan ba ta yi hattara ba, to tana yiwuwa Real Madrid ta shiga cikin wadanda zasu yi zawarcinsa.
Messi dai tun yana dan yaro yake kungiyar ta FC Barcelona.
A jiya kuma, duk da kanainaye kwallo da bayern Munich ta yi, Real Madrid ta samu nasarar tsamo kitse cikin wuta da ci daya da babu, a karawar farko ta wasan kusa da karshe a gasar cin kofin zakarun kulob na Turai. Karim Benzema ya jefa wannan kwallo daya tilo a minti 19 da fara wasa.
Za a buga zagaye na biyu a mako mai zuwa a Munich.
Musanyar ‘yan wasa tsakanin wadannan kungiyoyi biyu dai, ba kasafai ake gani ba, domin a cikin shekaru 14 da suka shige ma, dan wasa kwaya ne tak, Javier Saviola, ya bar Barca ya koma Real a 2007.
Shi kuwa Sanchez, abinda yasa yake wannan tunani shi ne cewa, yana tsammanin Messi ba ya jin dadin kwantarakinsa da Barca, wadda sai 2018 zata kare, amma tana da tanadin cewa yana iya janyewa daga kwantarakin idan ya biya Euro miliyan 200.
Sanchez yace yana jin Messi dai yana ganin kamar Barcelona ba ta ba shi darajar da ta kamata, kuma idan ba ta yi hattara ba, to tana yiwuwa Real Madrid ta shiga cikin wadanda zasu yi zawarcinsa.
Messi dai tun yana dan yaro yake kungiyar ta FC Barcelona.
A jiya kuma, duk da kanainaye kwallo da bayern Munich ta yi, Real Madrid ta samu nasarar tsamo kitse cikin wuta da ci daya da babu, a karawar farko ta wasan kusa da karshe a gasar cin kofin zakarun kulob na Turai. Karim Benzema ya jefa wannan kwallo daya tilo a minti 19 da fara wasa.
Za a buga zagaye na biyu a mako mai zuwa a Munich.
