A ranar biyu ga watan Oktoba na wannan shekara ne, kotun sauraren kararrakin zabe a Lafia, fadar jahar Nasarawa ta ayyana David Ombugadu na jami'iyyar PDP a matastin wanda ya lashe zaben.
To sai dai a zamanta na yau Alhamis a Abuja, kotun daukaka karar karkashin shugabancin mai shara'a, Ezekiel Ajayi tace an samu kuskure daga yadda aka duba hujjojin da suka kai ga yanke hukuncin a kotun na baya.
Da yake tsokaci kan humumcin kotun, mai ba gwamnan Nasarawa shawara kan harkokin yada labarai da hulda da jama'a, Mr Nawani Aboki, yace kotu ta yi gaskiya.
A nashi bayanin, Alhaji Muhammad Abubakar Sadiq, wani dan jami'iyyar PDP a jahar Nasarawa, yace zasu daukaka kara zuwa kotun Allah ya isa.
Yanzu dai hankula zasu karkata ne kan yadda zata kaya a kotun koli, na daga ita sai a barwa Allah.
Saurari rahoton:
Dandalin Mu Tattauna