A ci gaba da gasar Premier ta Najeriya Kungiyar kwallon kafa ta Enyimba har yanzu na kan gaba yunkurin lashe kofin gasar a karo na bakwai, inda a wasanta na jiya Laraba da Nasarawa United aka tashi kunnen doki 0-0.
Enyinbar dai har yanzu na gaba da sauran kungiyoyin a teburin gasar. Ita kuma kungiyar Abia na da maki 62 daga wasanni 34, tana kuma gaba da Warri Wolves da maki 6 hakan ya maida ita kungiyar Abia ta biyu a teburin wannan gasar.
An daga wasan da aka shirya tsakanin Wolves da United zuwa yau Alhamis, a dalilin ruwa da ya cika filin wasan.
Cikin sauran wasannin da akayi a jiya Laraba, El-Kanemi sun sha kashi a gida hannun Giwa, Wikki Tourist kuma ta lashe wasanta da Ifeanyi Ubah inda aka tashi 2-1, ita kuma Heartland tayiwa Sharks ci ‘daya mai ban haushi, haka ma shooting Stars tayiwa Taraba United ci ‘daya da babu.
Abia Warriors ta doke Lobi Stars da ci 2-0. Sai kuma kunnen doki a wasan Kwara United da Bayelsa United, Dolphins sun sami nasara a gida inda suka doke kungiyar da ke rike da wannan kofi, wato sai masu gida Kano Pillars.
