Carlo Ancelotti ya yi watsi da ikrarin da Harry Rednapp ya yi na cewa kungiyar Liverpool ta nemi daukansa kafin su zabi Jurgen Klopp a matsayin sabon kocin club din.
A makon da ya gabata ne Rednapp ya yi ikrarin cewa Ancelotti ya kasance zabi na farko ga kungiyar ta Liverpool, kuma a matsayin wanda zai maye gurbin Brendan Rodgers, wanda aka kora bayan da su ka yi kunne doki da Everton, amma kuma ya ki amincewa da karbar aikin.
Sai dai Acelotti ya ce babu wanda ya tuntube shi, kuma a mafi yawan lokuta kungiyar ta Livepool ta kan dauki wanda ba ya jagorantar wata kungiya ne a duk lokacin da za su dauki wani a aiki.
Yanzu haka dai akwai bayanai da ke nuna cewa Ancelotti shi zai maye gurbin kocin Italiya, Antonio Conte, wanda ake rade-raden zai ajiye aikin, idan kwatiraginshi ya kare a karshen gasar cin kofin nahiyar turai a badi.
--------------------
A daya bagaren kuma dan wasan Real Madrid Karim Benzema, ya ce babu yadda zai bar kungiyar ya koma Arsenal a wannan kakar wasa.
Rahotanni da dama sun nuna cewa kocin Arsenal Arsene Wvenger ya na kokarin ya sayo dan wasa mai zira kwallaye kuma Benzema na daga cikin wadanda yak e dubawa, sai dai Benzeman
A cewar Benzema, wannan rade-raden da ake ta yayatawa yana bashi dariya, domin a cewarsa kungiyar da yake bugawa wasa yanzu, club ne fitacce a duniya.
Ya kuma kara da cewa ko da wasa bai taba yunkurin ya koma club din na Arsena ba yana mai cewa a duk lokacin da ya ga ‘yan jarida na buga labarin sai su yi ta dariya da ‘yan uwansa da abokanansa.
A cewar Benzema, kungiyoyin Real Madrid da Barcelona su ne fagen kololuwar wasan kwallon kafa a duniya.