Carlo Ancelotti ya fito ya bayyana cewa ba zai taba karbar aikin Koch a kungiyar Inter Milan ba, saboda mutuncin kungiyar AC Milan da yake gani.
Shi dai Ancelotti ‘dan asalin Italiya, ya shafe shekaru 8 yana jagorantar kugiyar AC Milan, wanda suka kai ga samun nasarar zama zakarun Champion League har sau biyu, da zama zakaran gasar Siriya A sau ‘daya.
Alokacin da yake magana da mujallar Goal, inda yake bayani kan dalilin da yasa bazai taba tunanin ‘daukar aikin Koch a Inter Milan ba, yace bazai taba zama Koch din Inter ba.
Ya kara da cewa saboda na kwashe shekaru masu yawa ina aiki a Milan, hakan ya zamanto wani bangaren tarihi na kuma dole ne na kare mutuncin hakan.
Ancelotti wanda kungiyar Real Madrid ta sallameshi a farkon shekarar nan, yace yayi tunanin komawa Milan amma ya canza ransa saboda tiyatar da akayi masa a bayansa. Ya kara da cewa bayan da na bar kungiyar Madrid na hadu da shugaban Milan Adriano, wanda muka fara tattaunawa kan yadda zan koma Milan, amma alokacin dole ne ayi min aikin tiyata.
Dole ne bayan aikin na dauki watanni hutu, kuma bazan iya yin aiki tukuru ba kamar yadda ya kamata, to tabbas ban ji dadin hakan ba duk da yake yin haka shine abinda yakamata kuma kungiyar Milan ta fahimci hakan.
