Washington D.C. —
Kungiyar Hamas ta Falasdinu ta sanar da nada Yahya Sinwar a matsayin sabon shugaban kugiyar.
Sinwar shi ne mutumin da ake zargi da kitsa harin ranar 7 ga watan Oktoba da kungiyar ta kai cikin Isra’ila.
Sinwar ya kasance mutumin da Isra’ila ta fi nema cikin jerin mutanen da take kokarin halakawa a kokarin da take yi na kassara kungiyar da shugabanninta tun bayan harin 7 ga watan Oktoba.
Ya maye gurbin Isma’il Haniyeh wanda aka halaka a Iran a makon da ya gabata a wani harin sama da ake zargin Isra’ila ce ta kai.
Sabanin Haniyeh da ke gudun hijira a Qatar tsawon shekaru a lokacin da yake raye, Sinwar na zaune ne a yankin na Zirin Gaza da ake gwabza fada.
Dandalin Mu Tattauna